Bakı. 17 sentyabr. REPORT.AZ/ Buxarestdə “Neft sənayesi icmalı” jurnalı və Rumıniya Neft Klubunun təşkilatçılığı ilə “Romania Downstream-2015. Xam neftin dəyərə çevrilməsi istiqamətində strategiyanı təkmilləşdir” mövzusunda konfrans keçirilib.
"Report" Azərbaycan Dövlət Neft Şirkətinin (
"SOCAR Romania"nın rəhbəri Həmzə Kərimov “Rumıniya və regionun qazpaylayıcı şəbəkələrinə investisiya qoyuluşu” mövzusunda çıxış edib.
Çıxışda Azərbaycanın neft strategiyası, enerji siyasəti barədə məlumat verilib, Azərbaycanın Avropanın enerji təhlükəsizliyində oynadığı etibarlı tərəfdaş rolu vurğulanıb. Bir neçə ildən sonra Avropanın enerji xəritəsini dəyişəcək TAP və TANAP layihələri, Cənub Qaz Dəhlizi, Azərbaycan, Gürcüstan, Rumıniya və Macarıstanı birləşdirəcək AGRI layihəsi, bu istiqamətdə nəzərdə tutulan işlər də diqqət mərkəzində olub. SOCAR-ın xarici ölkələrdə fəaliyyətindən söz açılıb, Avropa qaz bazarı, Azərbaycanın təcrübəsi, Rumıniya üçün imkanlar və digər mövzulara toxunulub.