Yuxarı
    Bağlamaq

    SOCAR qazma işlərini 38% artırıb

    İl ərzində isə 38 yeni quyu tikinti ilə başa çatdırılaraq mədənçilərə təhvil verilib

    Bakı. 6 iyul. REPORT.AZ/ Bu ilin yanvar-iyun aylarında Azərbaycan Dövlət Neft Şirkəti (SOCAR) üzrə (müştərək müəssisələr və əməliyyat şirkətləri istisna olmaqla) 73 789 metr qazma işi görülüb.

    “Report”un şirkətə istinadən verdiyi xəbərə görə, qazma işlərinin 68 007 metri istismara, 5 782 metri isə kəşfiyyata aid olub.

    SOCAR-ın I yarımillikdə apardığı qazma işlərinin həcmi illik müqayisədə 38% artıb.

    İlin ilk yarısında həyata keçirilən qazma işlərinin 10 450 metri iyun ayında görülüb. Bu sahədə görülmüş işlərin 10 111 metri istismara, 339 metri isə kəşfiyyata aid olub.

    Qeyd olunur ki, 2017-ci ilin iyun ayında qazmadan alınmış 8, il ərzində isə 38 yeni quyu tikinti ilə başa çatdırılaraq mədənçilərə təhvil verilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi