Yuxarı
    Bağlamaq

    ​SOCAR "Petkim"in səhmlərinin satışını ləğv edib

    Qarşıdakı dövrdə məsələnin yenidən dəyərləndiriləcəyi gözlənilir

    Bakı. 8 iyun. REPORT.AZ/ "SOCAR Turkey" şirkəti maliyyə bazarlarındakı qeyri-müəyyənliklər səbəbindən "Petkim Holding"in səhmlərinin satılması təklifini ləğv edib. "Report"un verdiyi xəbərə görə, bununla bağlı İstanbul Fond Birjasının xəbər platforması məlumat yayıb.

    "Petkim Petrokimya Holding A.Ş." hissələrinin 1,6%-nin iyunun 8-də "BCM Global Fund" MMC-yə satılacağı ilə bağlı iyunun 5-də elan verilib.

    Bazarlardakı qeyri-müəyyənlik səbəbindən tərəflərin istəyi ilə alqı-satqı əməliyyatı ləğv edilib. "Qarşıdakı dövrdə məsələnin yenidən dəyərləndiriləcəyini bəyan edirik", - xəbərdə vurğulanır.

    Qeyd edək ki, SOCAR-ın "Petkim"də payı 61,32%-dir. Şirkətin potensial investora satmaq istədiyi 1,6%-lik pay 16 mln. səhm, onun nominal üzrə ümumi dəyəri 16 mln. lirə (TRY) təşkil edir. Satışa çıxarılan səhm paketinin hər səhm 4 lirə olmaqla 64 mln. lirəyə satılması planlaşdırılırdı. Ötən gün Türkiyədə keçirilən parlament seçkilərinin ilkin nəticələri fonunda ölkədə dolların məzənnəsi 7% artıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi