SOCAR ötən il qazma işlərini artırıb

SOCAR ötən il qazma işlərini artırıb Şirkət üzrə 105 245 metr qazma işi görülüb
Energetika
6 Yanvar , 2017 12:39
SOCAR ötən il qazma işlərini artırıb

Bakı. 6 yanvar. REPORT.AZ/ Azərbaycan Dövlət Neft Şirkəti (SOCAR) üzrə (müştərək müəssisələr və əməliyyat şirkətləri istisna olmaqla) 2016-cı il ərzində 105 245 metr qazma işi görülüb.

“Report” SOCAR-a istinadən xəbər verir ki, bunun da 102 532 metri istismara, 2 713 metri isə kəşfiyyata aid olub.

Ötən il həyata keçirilən qazma işlərinin həcmi 2015-ci illə müqayisədə 0,8% çox olub.

Hesabat ilində görülən qazma işlərinin 4 882 metri dekabr ayı ərzində həyata keçirilib. Bu sahədə görülmüş işlərin 4 839 metri istismara, qalanı isə kəşfiyyata aid olub.

Bundan əlavə, ötən ilin dekabrında qazmadan alınmış 7, il ərzində isə 64 yeni quyu tikinti ilə başa çatdırılaraq mədənçilərə təhvil verilib.

Son xəbərlər

Orphus sistemi