​SOCAR ötən ay əhali sektoru üzrə 65,411 mln. kubmetr qaz satıb

Bakı.15 oktyabr. REPORT.AZ/ Bu ilin sentyabr ayı ərzində “Azəriqaz” İstehsalat Birliyində əhali sektoru üzrə 7869 yeni abonent qeydiyyata alınıb.

"Report" Azərbaycan Dövlət Neft Şirkətinin (SOCAR) mətbuat xidmətinə istinadən xəbər verir ki, bunun da 2385-i Bakı və Sumqayıt şəhərlərinin, eləcə də Abşeron rayonunun, 5484-ü isə regionların payına düşüb.

Ümumiyyətlə cari ilin yanvar-sentyabr aylarında qeydiyyata alınmış yeni abonentlərin sayı 60333 təşkil edib. Bu göstəricinin də 21903-ü Bakı və Sumqayıt şəhərləri, eləcə də Abşeron rayonu, 38430-u isə regionlar üzrə olub.

Cari ilin sentyabr ayında əhali sektoru üzrə 65 mln. 411 min 643 kubmetr həcmində təbii qaz satılıb, ödəniş 122,04 faiz təşkil edib. Qeyri-əhali sektoru üzrə isə 115 mln. 102 min 756 kubmetr həcmində təbii qaz satılıb və qarşılığında 120,26 faiz vəsait toplanıb.

Bu ayın 1-nə olan məlumata görə, əhali sektoru üzrə 124 921 məcburi köçkün ailəsi fasiləsiz təbii qazla təmin olunub. Bundan əlavə, 328 məscid və dini məbədə təbii qazdan əvəzsiz istifadəsi üçün limit ayrılıb.