Yuxarı
    Bağlamaq

    SOCAR-ın vitse-prezidenti: “Azərbaycan beynəlxalq şirkətlərin marağında olan məkandır”

    “Biz hazırda alternativ variantların üzərində işləyirik”

    Bakı. 26 aprel. REPORT.AZ/ “Azərbaycan qədim neft ölkəsidir. Ölkəmiz zəngin ehtiyatlara malikdir. Biz hazırda alternativ variantların üzərində işləyirik. Alternativ variant da ölkə qazını Avropa bazarına çıxarmaqdan ibarətdir”.

    “Report”un xəbərinə görə, bunu SOCAR-ın vitse-prezidenti Elşad Nəsirov Birləşmiş Millətlər Təşkilatının (BMT) Sivilizasiyalar Alyansının VII Qlobal Bakı Forumu çərçivəsində “Vətəndaş cəmiyyəti və biznes: Sülh, təhlükəsizlik və davamlı inkişaf naminə birgə fəaliyyət” mövuzusunda keçirilən panel iclasında deyib.

    O bildirib ki, Azərbaycan “Cənub Qaz Dəhlizi"nin fəaliyyətə başlamasında maraqlıdır: “Bununla Azərbaycan qazı Avropaya çıxarılacaq. Bu istiqamətdə işlər görülür”.

    SOCAR-ın vitse-prezidenti vurğulayıb ki, Azərbaycan beynəlxalq şirkətlərin marağında olan məkandır: “Həmin şirkətlər ölkəyə investisiya qoymaqda maraqlıdırlar. Bunun üçün ölkədə şərait mövcuddur".

    O qeyd edib ki, Azərbaycanda neft gəlirləri daha çox sosial layihələrə yönəldilir: "Buraya yeni xəstəxanaların, məktəblərin, iaşə obyektlərinin tikintisi, bərpa edilməsi daxildir”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi