Yuxarı
    Bağlamaq

    SOCAR-ın Təlim, Tədris və Sertifikatlaşdırma İdarəsinin nümayəndələri beynəlxalq konfransda iştirak ediblər

    İdarə müxtəlif mövzularda təşkil olunan kurslara dair təqdimat nümayiş etdirib

    Bakı. 24 noyabr. REPORT.AZ/ Azərbaycan Dövlət Neft Şirkətinin (SOCAR) Təlim, Tədris və Sertifikatlaşdırma İdarəsinin nümayəndələri Böyük Britaniyanın “Confidence Capital” şirkətinin təşkilatçılığı ilə keçirilmiş “Dənizdə və quruda neft dağılmaları: Neft və qaz sektorunda sənaye təhlükəsizliyi” mövzusunda IV praktiki konfransda iştirak ediblər.

    “Report”un SOCAR-a istinadən verdiyi xəbərə görə, Azərbaycan, Türkiyə, Rusiya, Belarusiya, Qazaxıstan, Böyük Britaniya, Almaniya və Norveçin ekologiya, gəmiçilik, neft-qaz, neft-kimya, texniki xidmət və elmi-tədqiqat sahələrini təmsil edən dövlət və özəl sektorun 100-ə yaxın əməkdaşı və media nümayəndələri konfransa qatılıblar. Tədbirdə SOCAR-ın Təlim, Tədris və Sertifikatlaşdırma İdarəsi tərəfindən ekoloji maarifləndirmə, sağlamlıq, əməyin təhlükəsizliyi və ətraf mühitin mühafizəsi mövzularında təşkil olunan kurslara dair təqdimat nümayiş etdirilib, İdarə rəisi Fuad Süleymanovun məruzəsi dinlənilib. Konfransda TTSİ-nin təlim mərkəzlərinin potensialı və mövcud imkanları barədə dinləyicilərin sualları cavablandırılıb, fikir mübadiləsi aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi