Yuxarı

SOCAR-ın Rumıniyada gələcək hədəfləri müzakirə olunub

Görüşdə stansiyaların rəhbərləri, departamentlərin menecerləri və SOCAR Petroleum SAnın baş direktoru iştirak edib

Bakı. 1 aprel. REPORT.AZ/ Azərbaycan Dövlət Neft Şirkətinin (SOCAR) Rumıniyadakı işçilərinin illik seminarı keçirilib.

"Report"un "SOCAR Romania"ya istinadən verdiyi xəbərə görə, seminarda ötən ilin göstəriciləri və bu ilin hədəfləri təqdim olunub.

Seminarda müxtəlif mövzularda debat sessiyalar keçirilib, qaz stansiyalarının fəaliyyəti ilə bağlı təkliflər, 2015-ci ildə əldə olunan nailiyyətlər və 2016-cı ilin strateji hədəfləri üzrə təqdimatlar olub.

Görüşdə stansiyaların rəhbərləri, bütün departamentlərin menecerləri və "SOCAR Petroleum SA"nın baş direktoru Həmzə Kərimov iştirak edib.

H.Kərimov əldə olunan nailiyyətlərə görə komandanı təbrik edib və qaz stansiyalarında əməliyyat prosesləri zamanı stansiyalar və dəstək departamentləri arasındakı daha yaxşı təşkilatçılıq və əlaqələri qeyd edib. O, 2016-cı ilin hədəflərini həyata keçirmək üçün daha yaxşı əməkdaşlığın vacibliyini vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi