Yuxarı

SOCAR "Gədisu-Stalçay" quru sahəsində seysmik kəşfiyyat işləri aparıb

Kəşfiyyat sahənin geoloji quruluşunun dəqiqləşdirilməsi və zonanın neft-qazlılıq perspektivliyinin öyrənilməsi məqsədi ilə aparılıb

Bakı. 26 avqust. REPORT.AZ/ Azərbaycan Dövlət Neft Şirkəti (SOCAR) "Gədisu-Stalçay" quru sahəsində seysmik kəşfiyyat işlərini tamamlayıb.

Şirkətin məlumatında deyilir ki, Quba-Xəzəryanı neft-qaz rayonunda yerləşən ərazidə 2D seysmik kəşfiyyat və maqnitometrik işləri həyata keçirilib.

Seysmik kəşfiyyatı  "Azneft" İstehsalat Birliyinin sifarişi ilə Geofizika və Geologiya İdarəsi aparıb.

İşlər "Gədisu-Stalçay" sahəsinin geoloji quruluşunun dəqiqləşdirilməsi və karbohidrogenlərin yayılma arealının müəyyənləşdirilməsi, zonanın neft-qazlılıq perspektivliyinin öyrənilməsi məqsədi ilə aparılıb.

Hazırda seysmik işlər zamanı əldə edilmiş nəticələrin emalı və interpretasiyası aparılır. Bu işlərin yekununda əldə ediləcək yeni məlumatlar həmin ərazidə axtarış-qazma işlərinin düzgün istiqamətləndirilməsinə şərait yaradacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi