SOCAR 2017-ci ildə Ukraynada 239 min ton neft məhsulları satıb

Bakı. 5 mart. REPORT.AZ/ 2017-ci ildə Azərbaycan Dövlət Neft Şirkəti (SOCAR) Ukraynada 239 min ton neft məhsulları satıb.

"Report"un məlumatına görə, bu, Nazirlər Kabinetinin 2017-ci ildə fəaliyyəti haqqında hesabatında qeyd olunub.

“Ötən il SOCAR-ın Ukraynadakı 61 yanacaqdoldurma məntəqəsi 239 min ton neft məhsullarının və 434 mln. kubmetr təbii qazın satışını həyata keçirib”, - hesabatda bildirilib.

Xatırladaq ki, SOCAR-ın Ukraynada törəmə şirkəti “SOCAR Energy Ukraine” 2008-ci ildən fəaliyyət göstərir.