Yuxarı
    Bağlamaq

    SOCAR 2010-2016-cı illər üzrə Ukrayna büdcəsinə 2,5 milyard qriven köçürüb

    SOCAR Energy Ukraine şirkəti Ukraynada əməkdaşlıq üçün böyük perspektivlər gördüklərini bildirib

    Kiyev. 3 noyabr. REPORT.AZ/ Azərbaycan Respublikası Dövlət Neft Şirkətinin (SOCAR) 2010-2016-cı illər üzrə Ukrayna dövlət büdcəsinə vergi ödənişləri 2,5 milyard qrivendən çox olub.

    Bu barədə "Report"a "SOCAR Energy Ukraine" şirkətindən bildiriblər.

    Şirkət tərəfindən qeyd edilib ki, SOCAR Ukraynada sırf qanunvericilik sahəsi çərçivəsində fəaliyyət göstərir, məsuliyyətli vergi ödəyicisi və işə götürəndir:

    "Azərbaycanın maraqlarını təmsil edən strateji investor kimi, şirkət bütün bazar iştirakçıları üçün sabit, şəffaf və vahid oyun qaydalarının formalaşması proseslərində maraqlıdır və buna cəlb olunub".

    "SOCAR Energy Ukraine"dən bildiriblər ki, Ukraynada əməkdaşlıq üçün böyük perspektivlər görürlər. "Fəaliyyətimizi müəyyən dəyərlər sistemi əsasında qururuq. Bura mütləq şəffaflıq anlayışı daxildir. Elə buna görə də, məsələn, dövlət satınalmaları sistemində hansısa tenderdə iştirakımız artıq şəffaflıq əlaməti kimi qəbul edilir. Dəyişikliklərin katalizatoru olmağa davam etmək və təcrübəmizi, dəyərlərimizi və Avropa standartlarını həm dövlət, həm də özəl sektorun işinə sirayət etdirmək istəyirik", - deyə şirkətin topdan satış istiqaməti üzrə direktoru Andrey Bışkov bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi