Yuxarı
    Bağlamaq

    ​Səudiyyə Ərəbistanı amerikalılara və avropalılara neftin qiymətində endirim edəcək

    Krallıq Asiyadan olan müştəriləri üçün isə bir barel neftin qiymətini 0,3-1 dollar artıracaq

    Bakı. 6 noyabr. REPORT.AZ/ Səudiyyə Ərəbistanı bu ilin dekabr ayından Avropa ölkələri və ABŞ üçün neftin bütün növlərinin qiymətini ucuzlaşdıracaq.

    "Report" "Korrespondent"ə istinadən xəbər verir ki, bunu "Saudi Aramco" dövlət şirkəti bildirib.

    Məlumata görə, krallıq Asiyadan olan alıcıları üçün isə "qara qızıl"ı baha satacaq.

    Səudiyyə Ərəbistanı gələn aydan Şimal-Qərbi Avropadan olan müştərilərinə bir barel neftin qiymətində 1-1,35 dollar, Aralıq dənizi ölkələri üçün 0,4-0,5 dollar endirim edəcək.

    ABŞ-dan olan alıcılara "Extra Light" markalı neftin bir bareli 0,1 dollar, qalan markalar isə 0,2 dollar ucuzlaşacaq.

    Krallıq Asiyadan olan müştəriləri üçün dekabrdan bir barel neftin qiymətini 0,3-1 dollar  artıracaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi