Yuxarı

​Sentyabrda Böyük Britaniyada neft-qaz sərgisi keçiriləcək

Sonuncu analoji sərgidə iştirak edən ziyarətçilərin ümumi sayı 63 min nəfərdən çox olub

Bakı. 13 iyul. REPORT.AZ/ Sentyabrın 8-11-də Aberdində (Şotlandiya) "Offshore Europe 2015" (OE 2015) adlı beynəlxalq konfrans-sərgi keçiriləcək. "Report"un sərginin rəsmi veb-saytına istinadən verdiyi məlumata görə, konfrans-sərgidə neft və qaz sənayesini təmsil edən şirkətlərin nümayəndələri, mühəndislər və ekspertlər iştirak edəcəklər.

Sərgidə müxtəlif şirkətlərin hasilat və emal sənayesində tətbiq etdikləri yeni texnolgiyaların nümayiş etdiriləcəyi deyilir.

Xatırladaq ki, iki il öncə keçirilən OE 2013-də 27 180 kv. metr ərazidə, 100-dən çox ölkəni təmsil edən 1 500-dən artıq şirkət öz məhsulunu nümayiş etdirib. Sərgidə iştirak edən ziyarətçilərin ümumi sayı isə 63 min nəfərdən çox olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi