Səfir: "Cənubi Qaz Dəhlizi dünya səviyyəsində əhəmiyyətli layihələrdən biridir"

Bakı. 16 oktyabr. REPORT.AZ/ Cənubi Qaz Dəhlizi dünya səviyyəsində ən əhəmiyyətli və iri layihələrdən biridir. "Report" xəbər verir ki, bunu Bakıda keçirilən Azərbaycan-ABŞ biznes-forumunda çıxış edən ABŞ-ın Azərbaycandakı səfiri Robert Sekuta deyib.

R.Sekuta qeyd edib ki, Azərbaycan ABŞ üçün əhəmiyyətli ölkədir: "Azərbaycan eyni zamanda İran və Rusiya ilə həmsərhəd olan yeganə ölkədir. ABŞ həmçinin İpək Yoluna əhəmiyyət verir. Ötən həftə Vaşinqtonda bununla bağlı müzakirələr olub. Biz düşünməliyik ki, Azərbaycanın çiçəklənməsinə necə töhfə verə bilərik".