Səfir: "Cənub Qaz Dəhlizi layihəsi Avropa İttifaqı üçün əhəmiyyətli layihələrdəndir"

© Report/ Elshan Baba — Aİ-nin Azərbaycandakı nümayəndəliyinin rəhbəri Kestutis Yankauskas

Bakı. 3 noyabr. REPORT.AZ/ Avropa İttifaqı (Aİ) bir neçə gün öncə açılışı olan Bakı-Tbilisi-Qars (BTQ) dəmiryolu layihəsinə müsbət yanaşır və bu xəttin hədəfə tam çatmaq üçün mühüm əhəmiyyət daşıdığını hesab edir. 

“Report” xəbər verir ki, bunu jurnalistlərə açıqlamasında Aİ-nin Azərbaycandakı nümayəndəliyinin rəhbəri Kestutis Yankauskas deyib.

K.Yankauskas təmsil etdiyi qurumun Azərbaycanın reallaşdırdığı digər layihələri də dəstəklədiyini qeyd edib: “Hazırda inşası davam etdirilən və bir neçə ilə açılacağına ümid etdiyimiz Cənub Qaz Dəhlizi (SGC) layihəsi də əhəmiyyətli layihələrdəndir. SGC enerji resurslarını daşımaqla bu regionla Aİ arasında əlaqə yaradır”.