Yuxarı
    Bağlamaq

    "Şahdəniz" layihəsinə I rübdə 948 mln. dollar xərclənib

    Bu vəsaitin 113 mln. dolları əməliyyat, 835 mln. dolları isə əsaslı xərclərə aid olub

    Bakı. 10 may. REPORT.AZ/ Bu ilin I rübü ərzində “Şahdəniz” konsorsiumu layihə üzrə fəaliyyətə 948 mln. ABŞ dolları xərcləyib.

    “Report” “Şahdəniz” yatağının operatoru olan “BP-Azerbaijan” şirkətinə istinadən xəbər verir ki, bu vəsaitin 113 mln. dolları əməliyyat xərcləri, 835 mln. dolları əsaslı xərclər olub.

    Bu ilin I rübündə layihə üzrə xərclərin həcmi 9% azalıb.

    Əsaslı xərclərin böyük əksəriyyəti “Şahdəniz Mərhələ 2” layihəsinə aiddir.

    Qeyd edək ki, "Şahdəniz" yatağı Bakıdan 70 km cənub-şərqdə, suyun dərinliyinin 50-500 metr arasında dəyişdiyi Xəzər dənizinin şelf zonasında yerləşir. Yatağın ehtiyatları 1,2 trln. kubmetr qaz həcmində qiymətləndirilir. Yataq dünyanın ən iri qaz və qaz-kondensat yataqlarından hesab olunur.

    "Şahdəniz" perspektiv sahəsinin kəşfiyyatı, işlənməsi və hasilatın pay bölgüsü haqqında saziş 1996-cı il iyunun 4-də imzalanıb. "Şahdəniz" üzrə hasilatın pay bölgüsü (PSA) sazişi 17 oktyabr 1996-cı ildə ratifikasiya olunub. Layihədə BP (operator - 28,8%), "AzSD" (10%), "SGC Upstream" (6,7%), "Petronas" (15,5%), "LUKoil" (10%), NICO (10%) və TPAO (19%) şirkətləri iştirak edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi