Sabah ​Lənkəranın bəzi kəndlərinin qaz təchizatında məhdudiyyətlər olacaq

Bakı. 18 dekabr. REPORT.AZ/ Dekabrın 19-da saat 12:00-dan 17:00-dək Azərbaycan Dövlət Neft Şirkətinin (SOCAR) Qaz İxrac İdarəsinin Astara magistral qaz kəmərləri sahəsinin “Xarxatan” Qazpaylama Stansiyasında təmir işləri aparılacaq. Bu barədə "Report"a ARDNŞ-nin mətbuat xidmətindən məlumat verilib.

Təmir müddətində Lənkəran rayonunun Liman qəsəbəsi, o cümlədən Xarxatan, Dilman, Separadi, Şağlaser və Boladi kəndlərinin qaz təchizatında məhdudiyyətlər olacaq.