Yuxarı
    Bağlamaq

    Sabah 10 rayonun təbii qaz təchizatında məhdudiyyətlər olacaq

    Buna səbəb diametri 159 mm-lik orta təzyiqli qaz xəttinin təhlükəsiz əraziyə köçürülməsidir

    Bakı. 15 mart. REPORT.AZ/ Bakı şəhərinin Sabunçu, Binəqədi, Xəzər, Səbail, Yasamal, Nərimanov, Nəsimi, Suraxanı, həmçinin Astara və Siyəzən rayonlarının təbii qaz təchizatında məhdudiyyətlər olacaq.

    Bu barədə "Report"a “Azəriqaz” İstehsalat Birliyinin İctimaiyyətlə əlaqələr şöbəsindən məlumat verilib.

    Diametri 159 mm-lik orta təzyiqli qaz xəttinin təhlükəsiz əraziyə köçürülməsi, qaz xətti üzərində qaz tənzimləyicinin quraşdırılması, yeni çəkilmiş qaz xətlərinin mövcud xəttə qoşulması, istismarı dayandırılmış xətlərin şəbəkədən ayrılması və istehlakçıların qaz təchizatının yaxşılaşdırılması məqsədilə martın 16-da saat 10:00-dan işlər yekunlaşanadək Sabunçu rayonunun Sabunçu, Bakıxanov qəsəbələrində və Anaşkin adlanan ərazidə, Binəqədi rayonunun Binəqədi qəsəbəsi, 7 və 8-ci mikrorayonlarında, Xəzər rayonunun Pirallahı, Şağan, Mərdəkan və Şüvəlan qəsəbələrində, Səbail rayonunun Ü.Hacıbəyov küçəsi ətraf ərazi, Nəsimi və Yasamal rayonlarında, Suraxanı rayonunun X.Ələkbərov, S.Əliyev, S.Bəhlulzadə küçələrində və Hövsan qəsəbəsində, Nərimanov rayonunun Azadlıq və Atatürk prospektlərində, Ə.Əliyev, C.Hacibəyli, T.Əliyev küçələrində, eləcə də Astara və Siyəzən rayonlarının bir hissəsində təbii qazın verilişində fasilələr yaranacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi