Rusiyalı nazir: Dünya neft bazarındakı tarazlıq OPEC+ ölkələrinin əməyidir

Rusiyalı nazir: Dünya neft bazarındakı tarazlıq OPEC+ ölkələrinin əməyidir
Energetika
8 Oktyabr , 2019 16:25
Rusiyalı nazir: Dünya neft bazarındakı tarazlıq OPEC+ ölkələrinin əməyidir

Bu gün dünya neft bazarındakı tarazlıq OPEC+ iştirakçı ölkələrinın fəaliyyəti nəticəsində əldə olunub.

“Report” “Rossia-24” telekanalına istinadən xəbər verir ki, bunu Rusiyanın energetika naziri Aleksandr Novak bildirib.

O qeyd edib ki, qarşıdakı qış mövsümü ilə bağlı müəyyən risklər var, lakin hazırda bazarda həm OPEC+ ölkələrinin atdığı addımlar, həm də başqa ölkələrdəki hasilatın ötən ilə nisbətən 1 milyon barel çox olması sayəsində tarazlıq hökm sürür.

Xatırladaq ki, OPEC+ formatı çərçivəsində 2020-ci ilin mart ayının sonunadək qüvvədə olan razılaşma gündəlik hasilatı 2018-ci ilin oktyabr ayı səviyyəsinə nisbətən 1,2 milyon barel azaltmağı nəzərdə tutur. O cümlədən ən iri neft istehsalçıları olan Səudiyyə Ərəbistanı hasilatı 322 min, Rusiya da 228 min barel azaltmaq öhdəliyi götürüblər.