Yuxarı
    Bağlamaq

    Rusiya və Səudiyyə Ərəbistanının energetika nazirləri görüşəcək

    Görüş EKSPO-2017 beynəlxalq sərgisi çərçivəsində baş tutacaq

    Bakı. 7 iyun. REPORT.AZ/ Rusiyanın energetika naziri Aleksandr Novakın Səudiyyə Ərəbistanından olan həmkarı Xalid əl-Falihlə bu həftənin sonu Qazaxıstanın paytaxtı Astanada görüşü planlaşdırılır. 

    "Report" Rusiya mətbuatına istinadən xəbər verir ki, "EKSPO-2017" beynəlxalq sərgisi çərçivəsində baş tutacaq görüşdə nazirlər energetika sahəsinin dayanıqlı inkişafı məsələlərini müzakirə edəcək.

    A.Novakın sərgi çərçivəsində Avropa Komissiyasının energetika ittifaqı üzrə vitse-prezidenti Maroş Şevçoviçlə də görüşü gözlənilir. Tərəflərin Ukraynaya qaz tədarükü məsələlərini müzakirə edəcəkləri bildirilir. 

    "Report"un analitik qrupu hesab edir ki, Rusiya və Səudiyyə Ərəbistanının energetika nazirlərinin görüşündə neft bazarı üçün önəmli açıqlamalar verilə bilər və bu, dünya bazarında nefti bahalaşdıra bilər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi