Yuxarı
    Bağlamaq

    Rusiya qazının Avropaya nəqli üçün TAP kəmərindən istifadə oluna bilər

    IGI Poseidon boru kəmərinin inşası layihəsinin rəhbəri E.Ruceri bunu istisna etmir

    Bakı. 9 noyabr. REPORT.AZ/ "IGI Poseidon" boru kəmərinin inşası layihəsinin səhmdarları Rusiyada hasil olunan təbii qazın Avropaya nəqli üçün TAP (Trans-Adriatik boru xətti) kəmərindən istifadəni mümkün sayırlar.

    "Report" xəbər verir ki, bunu bu gün Avropa Payız Qaz Konfransı (European Autumn Gas Conference) çərçivəsində "IGI Poseidon"un rəhbəri E.Ruceri deyib.

    Onun sözlərinə görə, hazırda Rusiyanın "Qazprom" şirkəti iki xətdən ibarət olacaq "Türk axını" kəmərinin inşasını aparır. Bunlardan birincisi qazın Türkiyəyə nəqli, ikincisi isə (IGI Poseidon) qazın Yunanıstan və İtaliyaya daşınması üçün nəzərdə tutulub: "Türkiyə-Yunanıstan sərhədində isə TANAP-la (Trans-Anadolu boru kəməri) nəql olunacaq Azərbaycan qazının qəbulu üçün nəzərdə tutulan TAP xətti başlayır. TANAP isə öz növbəsində "Türk axını" kimi Türkiyənin "Botaş" şirkətinin qaz sisteminə qoşulacaq".

    E.Ruceri istisna etmir ki, Avropanın qaz təchizatçıları gələcəkdə "Botaş"ın da sistemindən qaz almaq istəyə bilərlər və bu səbəbdən Rusiya qazının nəqli üçün TAP kəmərinin də istifadəsi mümkündür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi