Yuxarı
    Bağlamaq

    Rusiya OPEC sammiti ərəfəsində yeni neft yatağını istismara verib

    Analitiklər neft hasilatının azaldılması razılaşmasına real baxmırlar

    Bakı. 1 noyabr. REPORT.AZ/ Rusiya Prezidenti Vladimir Putin neft qiymətlərinin azalmasının qarşısını almaq üçün hasilatın azaldılmasına razılıq verməklə bərabər "LUKoil" şirkətinə məxsus Xəzər dənizində yerləşən neft yatağının istismara başlanılmasına icazə verib. "Report"un "Reuters" agentliyinə istinadən verdiyi xəbərə görə, Xəzər dənizi şelfində yerləşən "V.Filanovski" neft yatağının istismara verilməsinə videokonfrans rejimində qatılan V.Putin "bu, Rusiya neft-qaz sənayesinin inkişafında ciddi və çox önəmli addımdır" deyib.

    Analitiklər bir həftə ərzində 2, son bir ildə isə 4 hasilat layihəsinin işə salınmasını noyabrın 30-da neft hasilatının azaldıması ilə bağlı OPEC-in Vyana sammitində müsbət nəticənin əldə olunmasına şübhələri artırdığını bildirirlər.

    Qeyd edək ki, oktyabrın 24-də "LUKoil" şirkəti Arktikanın Rusiyaya aid hissəsində "Pyakyaxinskoe" yatağını istismara verib. Xatırladaq ki, "Filanovski" yatağı "LUKoil"un ölkədə olan ikinci ən böyük yatağıdır. Bu yataqda 2017-ci ildə 4,4 mln. ton (30 mln. barel) neft çıxarılması planlaşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi