Bakı. 16 avqust. REPORT.AZ/ Rusiya-OPEC enerji dialoqu üzrə iclas oktyabrda Vyanada keçiriləcək. "Report" "RİA-Novosti" agentliyinə istinadən xəbər verir ki, bu barədə Rusiyanın energetika naziri Aleksandr Novak bildirib.
O qeyd edib ki, bununla bağlı dəqiq tarix yaxın vaxtlarda dipomatik kanallar vasitəsilə razılaşdırılacaq.
Rusiya Energetika Nazirliyinin və OPEC-in nümayəndələri enerji dialoqunun tarixi ilə bağlı Vyanada görüş çərçivəsində müzakirə aparıblar. Tərəflər, eyni zamanda neft bazarındakı mövcud vəziyyət, onun inkişaf proqnozları və əməkdaşlığın digər aspektləri üzrə fikir mübadiləsi aparıblar.