Rusiya neftin 40 dollar/barelə kimi ucuzlaşacağını düşünür

Rusiya neftin 40 dollar/barelə kimi ucuzlaşacağını düşünür Ekspert: "Nikbin qalıb məyus olmaqdansa, konservativ olub sevinmək daha yaxşıdır"
Energetika
27 Mart , 2017 14:14
Rusiya neftin 40 dollar/barelə kimi ucuzlaşacağını düşünür

Bakı. 27 mart. REPORT.AZ/ "Bloomberg" agentliyi tərəfindən keçirilən sorğuya əsasən, dünya neft ehtiyatlarında artım müşahidə edilməsinə baxmayaraq, bu ilin sonuna qədər neftin qiymətinin cari səviyyədən 16% yüksək olacağı bildirilir. 

"Report" "Forexpf.ru" saytına istinadən xəbər verir ki, Rusiya Bankının (Mərkəzi Bank) proqnozları isə daha bədbindir. Bank bu ildə "Urals" markalı neftin orta qiymətinin 50 dollar/barel olacağını, ilin sonu yaxınlaşdıqca isə 40 dollar/barelə kimi geriləyəcəyini və bu səviyyədə 2019-cu ilin sonuna qədər qalacağını ehtimal edir.

Xatırladaq ki, Rusiya Maliyyə Nazirliyi öz hesablamalarında və federal büdcənin tərtibatında neftin baza qiymətini 40 dollar/barel səviyyəsində əsas kimi götürüb. Hollandiya "Rabobank"ının London şöbəsinin valyuta bazarları üzrə mütəxəssisi Petr Matisa görə, "konservativ mövqe tutmaq və sonra sevinmək, nikbin qalıb, sonra məyus olmaqdan daha yaxşıdır".