Yuxarı
    Bağlamaq

    Rusiya neft hasilatının dondurulmasına razıdır

    Vyana sammitində neft hasilatının dondurulması variantı mümkün görünür

    Bakı. 28 oktyabr. REPORT.AZ/ Rusiya OPEC təşkilatına neft hasilatını azaltmayacağını bildirib. 

    "Report" "Reuters" agentliyinə istinadən xəbər verir ki, Rusiya gözlənilən qlobal neft anlaşması çərçivəsində ancaq neft hasilatını donduracağını açıqlayıb.

    "Reuters"ə yaxın mənbələrin verdiyi məlumata görə, oktyabrın 23-də Ər-Riyadda keçirilən Səudiyyə Ərəbistanı da daxil olmaqla OPEC ölkələri rəsmiləri ilə Rusiya tərəfinin qapalı görüşündə hasilatın mümkün 4% azaldılması müzakirə olunub. Bu təklifin həmçinin bu gün və sabah Avstriyanın paytaxtı Vyanada keçirilən neft hasilatçısı ölkələrin ekspert komissiyasının iclasında müzakirə olunacağı gözlənilir. 

    İkigünlük Vyana iclasında İraqın hasilatın həcminin dondurulması və ya azaldılması anlaşmasına qatılmaq istəməməsinin qəbul edilməyəcəyi, ancaq Liviya, Nigeriya və İranın istisna hal kimi anlaşmadan kənar qalmasına imkan veriləcəyi bildirilib.

    "Report"un analitik qrupu ən yaxşı halda neft hasilatçısı ölkələrin hasilatı dondurmağa razı olacaqlarını ehtimal edir. Belə bir razılaşmanın ilkin mərhələdə neft qiymətlərinin artmasına səbəb olsa da, daha sonra neftə tələbin azalması və hasilat kvotalarına riayət olunmaması səbəbi ilə pozulacağı proqnozlaşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi