Bakı. 27 sentyabr. REPORT.AZ/ "Neftin qiyməti hələ 2-3 il ərzində arta bilər".
“Report” xəbər verir ki, bunu “Rossia-24” telekanalına Rusiya Hesablama Palatasının rəhbəri Aleksey Kudrin bildirib.
Onun sözlərinə görə, həmin vaxt ərzində neftə olan tələbat ildə 3 mln.bareldən çox artacaq: "Bu qədər tələbatı İran və ABŞ-ın təklifi tam ödəyə bilməyəcək. Elə ona görə də neftin bir qədər bahalaşacağını düşünürük”.
A.Kudrinin sözlərinə görə, qiymət artımının iqtisadiyyata müsbət təsiri olacaq: "Belə ki, neft şirkətləri hasilatdan başqa sahələrə də daha çox investisiya yatırmaq imkanı qazanacaqlar".
Qeyd edək ki, sentyabrın 25-də “Brent” markalı neftin bir bareli 12 noyabr 2014-cü il tarixindən etibarən ilk dəfə 82 dollar həddini keçib.