Rövnəq Abdullayev Yunanıstanın baş naziri ilə görüşüb

Rövnəq Abdullayev Yunanıstanın baş naziri ilə görüşüb SOCAR Yunanıstan hökuməti ilə işçi qrupu yaradıb
Energetika
160
27 Sentyabr , 2016 19:28
Rövnəq Abdullayev Yunanıstanın baş naziri ilə görüşüb

Bakı. 27 sentyabr. REPORT.AZ/ SOCAR-ın prezidenti Rövnəq Abdullayev Yunanıstana səfəri çərçivəsində sentyabrın 27-də bu olkənin Baş naziri Aleksis Tsipras ilə görüşüb. 

"Report"un Azərbaycan Dövlət Neft Şirkətinə istinadən verdiyi məlumata görə, saat yarım davam edən danışıqlar müsbət əhval-ruhiyyədə keçib. 

Baş nazir Aleksis Tsipras Azərbaycanı Yunanıstanın strateji tərəfdaşı olan ölkə, SOCAR-ı isə strateji sərmayəçi şirkət olaraq dəyərləndirib. O bildirib ki, SOCAR-ın Yunanıstan bazarına daxil olması üçün bütün mümkün addımları atmağa hazırdır. Yunanıstanın baş naziri işçi qrupunun yaradılmasını təklif edib. 

Görüşdə işçi qrupuna Azərbaycan tərəfindən SOCAR-ın Sərmayələr və marketinq üzrə vitse-prezidenti Elşad Nəsirovun, Yunanıstan tərəfindən baş nazirin müşaviri və dövlət nazirinin rəhbərlik etməsi haqqında razılıq əldə olunub. 

Qeyd edilib ki, işçi qrupu Avropa İttifaqı və Yunanıstanın dövlət qurumları ilə müvafiq müzakirələr aparmaqla hər iki tərəfi qane edən təkliflər hazırlamalıdır.

İşçi qrupunun fəaliyyəti üçün səmərəli şərait yaradılması məqsədilə SOCAR təminat məktubunun 2016-cı il oktyabrın 31-dək uzadılması haqqında qərar qəbul edib.

Son xəbərlər

Orphus sistemi