Romeo Mikautadze: "Gürcüstan gələn il də qaz tələbatını Azərbaycan qazı hesabına ödəyəcək”

Tbilisi. 8 may. REPORT.AZ/ “Gürcüstanın gələn il Rusiyadan təbii qaz alacağı barədə məlumatlar düzgün deyil. Gürcüstan gələn il də təbii qaza olan ehtiyacını Azərbaycandan alınan mavi yanacaq hesabına ödəyəcək”.

Bu sözləri “Report”un Gürcüstan bürosuna açıqlamasında Gürcüstanın iqtisadiyyat nazirinin müavini Romeo Mikautadze söyləyib.

Nazir müavini deyib ki, Gürcüstan hökuməti 2018-ci ildə Rusiya qazından tam imtina edib və Azərbaycandan təbii qaz alır: "Bu, 2019-cu ildə də belə olacaq”.