Qlobal elektrik istehsalı 2040-cı ildə keçən ilə görə 45,4% artaraq 38,7 milyard meqavat/saata çatacağı proqnozlaşdırılır.
"Report" xəbər verir ki, bu barədə Beynəlxalq Enerji Agentliyinin (IEA) "Dünya Enerji Outlook 2019" hesabatında məlumat verilib.
Məlumata görə, 2040-cı ildə qlobal elektrik enerji tələbatı keçən ilə görə 50% artaraq 34,5 mlrd meqavat/saata çatacaq.
Qlobal elektrik enerjisinə olan tələbatda Asiya-Sakit Okean bölgəsi 18 mlrd meqavat/saatla I yerdə, sonrakı pillədə 5,6 meqavat/saatla Şimali Amerika qərarlaşacaq.
Hesabat dövründə bərpa olunan enerji mənbələrindən 26 mlrd meqavat/saat enerji istehsal olunacaq və ümumi istehsaldakı payı 50%-ə çatacaq.
Proqnozlara görə, bərpa olunan enerji mənbələri içində külək və günəş elektrik stansiyalarından 15,5 milyard meqavat/saat, su elektrik stansiyalarından isə 6,9 milyard meqavat/saat elektrik enerjisi təmin ediləcək.