Qəzada ölən neftçi dəfn olunub - FOTO

Qəzada ölən neftçi dəfn olunub - FOTO Dəfn mərasimində SOCAR rəsmiləri, ictimaiyyət nümayəndələri iştirak ediblər
Energetika
256
16 Dekabr , 2016 13:18
Qəzada ölən neftçi dəfn olunub - FOTO

Hacıqabul. 16 dekabr. REPORT.AZ/ Xəzər dənizində baş verən hadisə nəticəsində həyatını itirən və meyiti tapılan Bakı şəhəri, Ələt qəsəbəsinin sakini, 1958-ci il təvəllüdlü İlham Əlihüseyn oğlu Qafarovla vida mərasimi olub.

“Report”un müxbiri xəbər verir ki, “Azneft” İstehsalat Birliyinin Nəriman Nərimanov adına NQÇİ-nin 3 saylı Neft Yığım Məntəqəsinin əmtəə operatoru İlham Qafarov bu gün doğulduğu Hacıqabul rayonunun Atbulaq kənd qəbirstanlığında torpağa tapşırılıb.

Dəfn mərasimində SOCAR rəsmiləri, ictimaiyyət nümayəndələri iştirak ediblər.

Qeyd edək ki, dekabrın 15-də saat 05:00 radələrində Xəzər dənizində 41 metr/saniyə sürəti ilə əsən güclü külək “Azneft” İB-nin N.Nərimanov adına NQÇİ-nin 3 saylı Neft Yığım Məntəqəsinin sağ və sol hissəsində yerləşən estakadanın uzunluğu təqribən 150 metr olan hissəsini dənizə uçurub. Hadisə nəticəsində Neft Yığım Məntəqəsinin növbədə olan 5 nəfər və yaşayış budkasında olan 5 nəfər (cəmi 10 nəfər) əməkdaşı itkin düşüb. İtkin düşən neftçilərin axtarışı davam edir.

Foto: Firi Salim

Son xəbərlər

Orphus sistemi