Yuxarı
    Bağlamaq

    “Qazprom”un xalis mənfəəti 35% azalıb

    Rusiya şirkətinin xalis borcu isə I yarımillikdə 19% artaraq 2,3 trln. rubla çatıb

    Bakı. 30 avqust. REPORT.AZ/ Bu ilin ilk yarısında Rusiyanın “Qazprom” şirkətinin xalis mənfəəti 34,8% azalaraq 408,05 mlrd. rubl təşkil edib.

    “Report” xəbər verir ki, bu barədə şirkətin hesabatında qeyd olunub.

    Hesabat dövründə səhmdarlara aid mənfəət isə 37,2% azalaraq 381,35 mlrd. rubl olub. Bu ilin II rübündə şirkətin xalis mənfəəti 5,1 dəfə azalaraq 47,893 mlrd. rubl təşkil edib.

    İlk yarımillikdə “Qazprom”un gəlirləri 4,8% artaraq 3,21 trln. rubla, II rübdə isə 5,1% artaraq 1,395 trln. rubla çatıb. Şirkətin satışdan mənfəəti 17,2% artıb və 484,3 mlrd. rubl olub.

    İlin birinci yarısında “Qazprom”un xalis borcu 19% artaraq 2,292 trln. rubl təşkil edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi