Bakı. 18 İyun. REPORT.AZ/ Rusiya qazını Türkiyə ərazisindən Avropaya daşıyacaq "Türk axını" layihəsinə "Qazprom" ASC ilə yanaşı digər şirkətlər də qoşula bilər. "Report"un BBC-yə istinadən verdiyi xəbərə görə, bu barədə "Qazprom"un sədr müavini Aleksandr Medvedev bildirib.
"Layihəyə qoşulmaq istəyən namizəd şirkətlər mövcuddur. Lakin danışıqlar aparmaq üçün hələ tezdir. Əvvəlcə sənədləşmə işi tamamlanmalı, hökümətlərarası razılaşma əldə olunmalıdır", - deyə Medvedev vurğulayıb.
İlkin hesablamalara görə, yeni qaz kəməri layihəsinin tikintisi 3.3 milyard avroya başa gələcək.