Yuxarı
    Bağlamaq

    "Qazprom" Londondakı bölmələrinin birində işçi ştatını azaldıb

    The Wall Street Journal: Qazprom neft və qaz qiymətlərinin aşağı olmasının təsiririni hiss edir

    Bakı. 22 noyabr. REPORT.AZ/ Rusiyanın "Qazprom" şirkəti Londondakı "Gazprom Marketing & Trading (GM&T) marketinq və treydinq bölməsinin işçi ştatını 20% azaldıb.

    "Report" PRAYM agentliyinə istinadən xəbər verir ki, bu barədə "The Wall Street Journal" nəşri məlumat verib.

    Mənbənin nəşrə verdiyi məlumata görə, ixtisara düşənlər arasında 6 direktor da var. Şirkət bu il bəzi bölmələrinin mənfəətinin azalacağından çəkinir. İxtisar aparılmamışdan əvvəl şirkət "Oliver Wyman" konsaltinq qrupu ilə xərclərin hansı yolla azaldılması üzrə qiymətləndirmə aparılması üçün anlaşma əldə edib.

    Məsələ ilə bağlı nə "Oliver Wyman", nə də "Qazprom" şərh verməyib.

    "The Wall Street Journal" yazıb ki, digər energetika şirkətləri kimi, "Qazprom" da neft və qaz qiymətlərinin aşağı olmasının təsiririni hiss edir, üstəlik, şirkət Şərqi Avropa bazarında artan rəqabətlə üzləşib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi