Qazaxıstan neft və neft məhsullarının Azərbaycandan tranziti müzakirə olunub

Qazaxıstan neft və neft məhsullarının Azərbaycandan tranziti müzakirə olunub
Energetika
17 Mart , 2019 18:32
Qazaxıstan neft və neft məhsullarının Azərbaycandan tranziti müzakirə olunub

Bu gün Azərbaycan energetika naziri Pərviz Şahbazov qazaxıstanlı həmkarı Kanat Bozumbayevlə görüşüb.

"Report" xəbər verir ki, Bakının neft sənayesinin beşiyi olduğunu vurğulayan Pərviz Şahbazov, düz bir əvvəl OPEC Baş katibinin ölkəmizə səfəri zamanı irəli sürülən “OPEC plus” tədbirlərindən birinin Bakıda keçirilməsi təklifinin reallaşmasını Azərbaycanın bu format çərçivəsində roluna diqqətin göstəricisi hesab edib.

Görüşdə hər iki ölkənin yeni “Əməkdaşlıq Bəyannaməsi” çərçivəsində götürdükləri öhdəliklərin icra səviyyəsi, qlobal enerji bazarının vəziyyəti və Azərbaycan-Qazaxıstan ticarət-iqtisadi əməkdaşlıq üzrə birgə Hökumətlərarası Komissiya çərçivəsində görülən işlər ətrafında müzakirələr aparılıb.

Kanat Bozumbayev “Kaşaqan”, “Tengiz” və digər yataqların işlənməsi, yaxın gələcəkdə əlavə həcmlərin dünya bazarına nəqli üçün nəzərdən keçirilən marşrutlar barədə fikirlərini bölüşüb. Qazaxıstanın neft və neft məhsullarının Azərbaycan üzərindən tranziti və mayeləşdirilmiş təbii qazın (LNG) Xəzər dənizi vasitəsilə Azərbaycana çatdırılması və nəqli ilə bağlı məsələlərə dair fikir mübadiləsi aparılıb.

Kanat Bozumbayev energetika nazirini 2019-cu ilin sentyabrında Astanada keçiriləcək “Qazaxıstan enerji həftəsi”nə dəvət edib.