Yuxarı

Putinə “Gazprom”un bölünməsi təklif olunacaq

Federal Antiinhisar Xidməti hökümətin məsələ ilə bağlı qərarını gözləyir.

Bakı. 5 oktyabr. REPORT.AZ/ Rusiya Federal Antiinhisar Xidməti “Gazprom” şirkətinin bölünməsi təşəbbüsü ilə prezident Vladimir Putinə müraciət edəcək.

“Report”-un “RBK”-ya istinadən verdiyi xəbərə görə, xidmətin rəis müavini Anatoli Qalamolzin bildirib ki, “Gazprom” şirkətinin boru xəttləri ilə bağlı fəaliyyət istiqaməti yeni bir şirkətə tapşırılmalıdır.

“Bu addım qazın nəqli ilə bağlı tariflərin müəyyənləşməsinə bütövlüklə müsbət təsir edəcək. Qazın istehsalı və nəqlinə ayrılan xəclər aydın olacaq. Hazırda bu göstəricilər arasındaki fərq qeyri müəyyəndir”, - deyə Qalamolzin bildirib.

Onun sözlərinə görə, Federal Antiinhisar Xidmtəti hökümətin məsələ ilə bağlı qərarının ilin sonunadək qəbul edilməsini istəyir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi