Yuxarı

​Putin və Miller "Türk Axını" layihəsini müzakirə edəcəklər

Həmçinin V.Putin və R.Ərdoğanın Bakı görüşünün nəticələrinə diqqət yetiriləcək

Bakı. 15 iyun. REPORT.AZ/ Bu gün Rusiya prezidenti Vladimir Putin "Qazprom" ASC-nin prezidenti Aleksey Milleri qəbul edəcək. "Report" xəbər verir ki, bu barədə Kremlin mətbuat katibi Dmitri Peskov açıqlama verib.

D.Peskovun sözlərinə görə, görüşdə V. Putinin Türkiyə prezidenti Rəcəb Tayyib Ərdoğanla iyunun 13-də Bakıda keçirilmiş görüşünün nəticələri müzakirə olunacaq: "Bu gün Putinin Ərdoğanla keçirdiyi görüş müzakirə ediləcək. Müllerin ekspertlərlə şəxsi görüşlərinin keçirilməsi gözlənilir".

D.Peskov Rusiya və Türkiyə prezidentlərinin Bakı görüşünün nəticələri haqqında danışarkən "Türk Axını" layihəsi başda olmaqla əsas enerji layihələrini ələ aldıqlarını açıqlayıb.

"Onlar atom elekrik stansiyasının tikintisi ilə bağlı texniki məsələləri müzakirə ediblər. Bunlar böyük həcmli layihələrdir və texniki problemlər hər zaman var", - deyən D.Peskov Türkiyənin Mersin şəhərində yerləşən Akkuyu Atom Elektrik Stansiyası ilə bağlı yaranan problemlər haqqında açıqlama verərkən bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi