Noyabrın 30-da Avropa bağlantısı istifadəyə verilən Trans-Anadolu Təbii Qaz Boru Kəməri (TANAP) Türkiyə ilə Azərbaycan arasındakı qardaşlığı daha da gücləndirəcək.
Bunu “Report”a açıqlamasında Dünya Enerji Şurası Türk Milli Komitəsinin enerji diplomatiyası üzrə işçi qrupunun sədri, Ortadoğu Texniki Universitetinin professoru Oqtay Tanrısevər bildirib.
O vurğulayıb ki, TANAP həm Azərbaycan, həm Türkiyə, həm də Avropa enerji dipomatiyası üçün çox böyük layihədir: “Azərbaycan bu layihə ilə strateji əhəmiyyətini çox artırıb. TANAP gəlir əldə olunması baxımından da mühüm layihədir. Bu layihə sabit şəkildə maliyyə təmin edərək Azərbaycan iqtisadiyyatının inkişafına töhfə verəcək. Ümumiyyətlə, diplomatik məsələlərdə də Azərbaycanın Avropada öz fikirlərini ifadə etməsi və qəbul etdirməsi daha rahat olacaq”.
"TANAP həm Azərbaycan, həm Türkiyə, həm də Avropa enerji dipomatiyası üçün çox böyük layihədir".
Oqtay TanrısevərOrtadoğu Texniki Universitetinin professoru
Qeyd edək ki, noyabrın 30-da Türkiyənin Ədirnə şəhərinin İpsala qəsəbəsində Azərbaycan Prezidenti
TANAP-ın investisiya dəyəri 6,5 mlrd. dollar təşkil edib.
Hesablamalara görə, TANAP hər il 1,45 mlrd. dollar dəyərində gəlir gətirəcək. Bu gəlirin 58%-i Azərbaycanın payına düşəcək.