Yuxarı
    Bağlamaq

    Polşa şirkəti "Qazprom"dan şikayət edib

    Qazprom Avropada ədalətsiz qiymət siyasəti yürütməkdə ittiham olunur

    Bakı. 27 aprel. REPORT.AZ/ Polşanın PGNIG neft-qaz şirkəti Avropa Şurasının antiinhisar hüquqlarını pozduğu üçün Rusiyanın "Qazprom" şirkətindən Avropa Komissiyasına şikayət edib.

    "Report" RİA "Novosti" agentliyinə istinadən xəbər verir ki, bu barədə "Qazprom"un 2016-cı ilin hesabatında bildirilib.

    "Qazprom" və onun törəməsi - "Qazprom Export" şirkəti haqqında Avropa Şurasında fəaliyyət göstərmək barədə Anlaşmanın 102-ci maddəsi əsasında şikayət 2017-ci il mart ayının 14-də təqdim olunub. Öz müraciətində Polşa şirkəti bildirib ki, "Qazprom" PGNIG-ə qarşı ədalətsiz qiymət siyasəti yürütməklə antiinhisar qaydalarını pozub. Şikayət əsasında Avropa Komissiyası müvafiq işi qeydiyyata alıb.

    "Qazprom"dan öz növbəsində bildirilib ki, "işin qaldırılması araşdırma başlanılması mənasını daşımır və şirkətimizin günahkar olduğunu göstərmir. Hazırkı mərhələdə prosesin "Qazprom"a potensial mənfi təsirini və maliyyə vəziyyətinə təsirini ölçmək mümkün deyil".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi