Yuxarı

"​Petkim"in səhmləri üzərindəki girov ləğv edilib

Petkim Holdingin aldığı kreditin ödənilməsi ilə bağlı səhmlər üzərinə qoyulan girov məhdudiyyəti ləğv olunub

Bakı. 23 sentyabr. REPORT.AZ/ Azərbaycan Dövlət Neft Şirkətinin (SOCAR) Türkiyədəki törəmə müəssisəsi olan “SOCAR Turkey Energy A.Ş"-nin (STEAŞ) "Petkim (PetroKimya) Holding A.Ş.”-də 51%-lik səhm alması üçün aldığı kreditin geri ödənilməsi ilə bağlı "Petkim"in səhmləri üzərinə qoyulan girov məhdudiyyəti ləğv edilib.

"Report" xəbər verir ki, bu barədə "Petkim"in Türkiyə İctimaiyyəti Məlumatlandırma Platformasındakı açıqlamasında qeyd edilib.

Bildirilib ki, STEAŞ-ın sahib olduğu "Petkim" sərmayəsinin 2,35%-i təmsil edən hissələr və STEAŞ-ın tabe olduğu ortağı "SOCAR Turkey Petrokimya"nın sahib olduğu "Petkim" sərmayəsinin 51%-ni təmsil edən paylar üzərində kredit verənlər lehinə təsis edilən girovlar qaldırılıb.

Qeyd edək ki, 30 may 2008-ci il tarixində keçirilmiş hərracda “Petkim Holding”in səhmlərinin 51%-i 2,04 mlrd. dollara "SOCAR/Turcas Enerji A.Ş." tərəfindən satın alınıb. 30 mart 2012-ci ildə isə “Socar Turkey Enerji A.Ş” və “SOCAR International DMCC OGG” Türkiyənin "Petkim" neft-kimya holdinqinin səhmlərinin daha 10,32%-ni özəlləşdirib. Səhmlərin alınmasından sonra SOCAR-ın “Petkim”dəki payı 61,32%-ə çatıb, qalan 38,67% isə İstanbul Fond Birjasında sərbəst dövriyyədə yerləşdirilib.

SOCAR 2012-ci il mayın 30-dan etibarən Türkiyədəki fəaliyyətini “SOCAR Turkey Enerji A.Ş.” adı ilə davam etdirir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi