Yuxarı
    Bağlamaq

    Ötən il BTC kəməri ilə 28,9 mln. ton Azərbaycan nefti nəql olunub

    Bu həcm isə 2015-ci illə müqayisədə 0,1% çoxdur

    Bakı. 9 yanvar. REPORT.AZ/ Ötən il ərzində Bakı-Tbilisi-Ceyhan əsas ixrac neft kəməri ilə 28 862 673 ton neft ötürülüb. “Report” Azərbaycan Dövlət Neft Şirkətinə (SOCAR) istinadən xəbər verir ki, bu isə 2015-ci illə müqayisədə 0,09% çoxdur.

    Ötən il BTC ilə nəql olunan Azərbaycan neftinin 2 386 450 tonu dekabr ayının payına düşüb ki, bu da 2015-ci ilin dekabr ayı ilə müqayisədə 3% azdır.

    Ümumiyyətlə, kəmər istifadəyə verilən gündən (2006-cı il, iyun) 2017-ci il yanvarın 1-ə qədər BTC-yə 321 538 062 ton neft vurulub.

    Bundan başqa, 2016-cı ilin dekabr ayında BTC kəməri ilə 441 271 ton Türkmənistan nefti nəql olunub.

    Qeyd edək ki, BTC boru kəməri Bakı yaxınlığındakı Səngəçal terminalından başlayır. Boru kəmərinin gündəlik ötürmə qabiliyyəti 1,2 mln. bareldir. BTC kəməri ilə Azərbaycandan əsasən "AÇG" nefti və "Şahdəniz" kondensatı daşınır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi