Ötən il Azərbaycan 78 min tona yaxın polipropilen ixrac edib

Ötən il Azərbaycan gömrük bəyannamələrinə əsasən, 77,526 min ton ilkin formalarda polipropilen ixrac edib.

“Report”un Dövlət Gömrük Komitəsinin statistikasına əsasən verdiyi xəbərə görə, bu həcmdə polipropilenin dəyəri 64,462 mln ABŞ dolları təşkil edib.

Ötən il ərzində polipropilenin qeyri-neft sektoru üzrə ixracda payı 3,48 % olub.

Xatırladaq ki, polipropilen "SOCAR Polymer"in illik istehsal gücü 184 min ton olan Polipropilen Zavodunda istehsal edilir. Polipropilen Zavodunun açılışı 2018-ci il iyulun 18-də Azərbaycan Prezidenti İlham Əliyev və İtaliya Prezidenti Sercio Mattarellanın iştirakı ilə olub. Həmin il oktyabrın 5-də polipropilenin ixracına başlanılıb.