Ötən il ABƏŞ 33,5 mln. ton, SOCAR 7,5 mln. ton neft hasil edib

Bakı. 18 yanvar. REPORT.AZ/ Azərbaycanda 2016-cı ildə 41 mln. tondan artıq neft və 29,4 mlrd. kubmetr qaz hasil edilib.

“Report” xəbər verir ki, bunu Azərbaycan Dövlət Neft Şirkətinin (SOCAR) I vitse-prezidenti Xoşbəxt Yusifzadə “Respublika” qəzetinə müsahibəsində bildirib.

Onun sözlərinə görə, neftin 7,5 mln. tonu və qazın 6,3 mlrd. kubmetrini SOCAR hasil edib. 

X.Yusifzadə qeyd edib ki, ABƏŞ və “Şahdəniz” konsorsiumları ötən il 33,5 mln. ton neft və 23,1 mlrd. kubmetr qaz çıxarıb.