OPEK Azərbaycan və daha 11 qeyri-üzv ölkəni Vyanadakı görüşə dəvət edib

OPEK Azərbaycan və daha 11 qeyri-üzv ölkəni Vyanadakı görüşə dəvət edib Rusiya və Qazaxıstan dəvətə müsbət cavab verib, Norveç imtina edib
Energetika
63
25 Oktyabr , 2016 21:55
OPEK Azərbaycan və daha 11 qeyri-üzv ölkəni Vyanadakı görüşə dəvət edib

Bakı. 25 oktyabr. REPORT.AZ/ OPEK təşkilata üzv olmayan 12 ölkəyə oktyabrın 29-da Vyanada keçiriləcək görüşdə iştirak etmək üçün dəvət göndərib.

"Report" xəbər verir ki, bu barədə çərşənbə axşamı Venesuelanın neft naziri Euloxio del Pino məlumat verib.

"Biz Rusiya, Azərbaycan, Qazaxıstan, Oman, Misir, Bəhreyn, Kolumbiya, Meksika, Trinidad və Tobaqo, Boliviya, Norveç və Kanadanı dəvət etmişik", — deyə nazir jurnalistlərə bildirib.

Euloxio del Pino hələ ki, təkcə Rusiya və Qazaxıstanın dəvətə müsbət cavab verdiyini əlavə edib.

Del Pino, həmçinin qeyd edib ki, oktyabrın 28-də OPEK ölkələri nümayəndələrinin görüşü keçiriləck, 29-da isə digər dövlətlərin təmsilçiləri onlara qoşulacaqlar.

Qeyd edək ki, Norveç sammitdə iştirakdan imtina edib.