Bakı. 12 noyabr. REPORT.AZ/ "OPEC+ ölkələri gələn il neft hasilatının həcmini artırmağı planlaşdırmır".
“Report” TASS-a istinadən xəbər verir ki, bu barədə Birləşmiş Ərəb Əmirliklərinin (BƏƏ) energetika naziri Suheyl əl-Məzrui bildilib.
“Digər OPEC+ ölkələri ilə məsləhətləşmələrimizi davam etdirəcəyik. Ancaq hələlik deyə bilərəm ki, yeni strategiyamızda 2019-cu ildə neft hasilatının həcminin artırılması nəzərdə tutulmayıb", - əl-Mazrui qeyd edib.
O, bu barədə Monitorinq Komitəsinin iclasının nəticələrindən sonra açıqlama verib.
Xatırladaq ki, bundan əvvəl də Səudiyyə Ərəbistanın energetika naziri OPEC+ ölkələrinin gələnilki neft hasilatı planları ilə bağlı açıqlama vermişdi.