Yuxarı
    Bağlamaq

    OPEC oktyabrda rekord həcmdə neft hasil edib

    Neft hasilatı razılaşmasında dondurulma variantı bazarda qeyri-sabitlik yaradacaq

    Bakı. 1 noyabr. REPORT.AZ/ OPEC təşkilatına üzv ölkələr bu ilin oktyabr ayında rekord həcmdə - 33,82 mln. barel neft hasil edib. 

    "Report"un "Vestifinance" saytına istinadən verdiyi xəbərə görə, sentyabr ayında OPEC-in gündəlik neft hasilatı 33,69 mln. barel təşkil edib.

    "Reuters" agentliyinin araşdırmasına əsasən, OPEC-in 2016-cı ildə Nigeriya və Liviyada hasilatın bərpa olunması, həmçinin İraqın hasilatı artırması hesabına yeni rekordlara imza atacağı bildirilir. Hasilatın artırılması isə öz növbəsində noyabrın 30-da Vyana sammitində neft bazarının balanslaşdırılması üçün hasilatın azaldılması prosesinə mane ola bilər. Belə ki, oktyabr ayında OPEC-in hasil etdiyi neftin gündəlik həcmi Əlcəzairdə nəzərdə tutulan 32,5-33 mln. barel hasilat hədəfinin üst həddindən 820 min barel/gün artıqdır. 

    Analitiklər hasilatın 34 mln. barelə çatması halında hasilatın azaldılması deyil, dondurulması variantı üzərində anlaşma əldə olunarsa neft bazarında yaxın 2 ildə qeyri-sabitliyin bitməyəcəyini proqnozlaşdırıblar.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi