Yuxarı
    Bağlamaq

    OPEC neftə tələbatla bağlı proqnozlarını artırıb

    Proqnoz: 2018-ci ildə neftə tələbat 98 mln. barel/gün həddini ötəcək

    Bakı. 12 sentyabr. REPORT.AZ/ OPEC təşkilatı 2017-ci il üçün neftə olan tələbatla bağlı sentyabr proqnozunu avqust ayı ilə müqayisədə 280 min barel/gün və ya 0,29% artıraraq 96,77 mln. barel/günə çatdırıb. 

    "Report" "RİA Novosti" agentliyinə istinadən xəbər verir ki, bu barədə OPEC-in sentyabr hesabatında bildirilir. 

    Hesabatda qeyd edilib ki, 2017-ci il üçün neftə tələbatla bağlı proqnoz 2016-cı ilin orta gündəlik tələbatla müqayisədə 1,42 mln. barel/gün və ya 1,49% artacaq.

    2018-ci il üçün isə neftə tələbat proqnozu əvvəlki proqnozla müqayisədə 70 min barel və ya 0,07% artırılaraq 98,12 mln. barelə çatdırılıb. Qeyd edək ki, OPEC 2018-ci ildə neftə gündəlik tələbatın 2017-ci illə müqayisədə 1,35 mln. barel və ya 1,4% artacağını proqnozlaşdırır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi