​2015-ci ildə OPEC-in neftdən gələn gəlirləri 46% azalacaq

Bakı. 19 dekabr. REPORT.AZ/ 2015-ci ildə Neft İxrac edən Ölkələr Təşkilatının (OPEC) neftdən gələn gəlirləri cari il ilə müqayisədə 46% azala bilər.

"Report" "Anadolu" agentliyinə istinadən xəbər verir ki, ABŞ-ın Energetika İnformasiyası İdarəsinin (EIA) dekabr ayı ərzində enerji vəziyyəti üzrə qısamüddətli dövr üçün hesabatına əsasən, 2014-cü ildə OPEC-in neft ixracından xalis mənfəətinin 700 milyard dollar təşkil edəcəyini nəzərə alaraq, 2015-ci ildə o, 446 mlrd. dollara qədər azalacaq.

Bununla yanaşı qeyd olunur ki, 2014-cü ildə gəlirlər, 2013-cü il ilə müqayisədə 14% aşağı düşüb.