Bakı. 14 dekabr. REPORT.AZ/ Oman gələn ilin ilk 6 ayı ərzində neft hasilatını yanvar ayına nisbətən 2% azaldacaq.
"Report" "Reuters"ə istinadən xəbər verir ki, bu barədə Oman Neft və Qaz Nazirliyinin neft alıcılarına göndərdiyi məktubda deyilir.
Məktubda bildirilir ki, hasilatın azaldılması OPEC və qeyri-OPEC sazişləri əsasında dünyada neft tədarükünü azaltmaqla əlaqədar razılaşma ilə bağlıdır.
Qeyd edək ki, Oman OPEC üzvü deyil. OPEC+ sazişi iştirakçılarının nazirlərinin görüşünün yekununda neft hasilatının 2019-cu ilin yanvar ayından etibarən yarım il ərzində toplam olaraq gündə 1,2 milyon barel azaltmaqla bağlı qərar qəbul edilib.