Neftin ucuzlaşmasına baxmayaraq, ABŞ-da aktiv quyuların sayı artır

Neftin ucuzlaşmasına baxmayaraq, ABŞ-da aktiv quyuların sayı artır Neft qiymətləri 45-60 dollar/barel diapazonunda hərəkət edəcək
Energetika
13 May , 2017 11:07
Neftin ucuzlaşmasına baxmayaraq, ABŞ-da aktiv quyuların sayı artır

Bakı. 13 may. REPORT.AZ/ ABŞ-da fəaliyyətdə olan neft-qaz quyularının ümumi sayı mayın 5-dən 12-dək 8 ədəd və ya 0,91% artaraq 885-ə çatıb.

"Report" ABŞ-ın "Baker Hughes" şirkətinə istinadən xəbər verir ki, hesabat həftəsində aktiv neft quyularının sayı 9 ədəd və yaxud 1,28% artaraq 712 ədəd, qaz quyularının sayı 1 ədəd və yaxud 0,58% azalaraq 172 ədəd, qarışıq fəaliyyət göstərən quyuların sayı isə dəyişməyərək 1-ə bərabər olub. Keçən ilin eyni dövrü ilə müqayisədə neft quyularının sayı 394 və yaxud 124%, qaz quyularının sayı isə 85 ədəd, yaxud 97,7%, ümumilikdə isə neft-qaz quyularının sayı 479 ədəd və yaxud 118% artıb.

Xatırladaq ki, ABŞ-da fəaliyyətdə olan neft quyularının sayı ötən il mayın 25-də 316 ədəd olub, bu da son 7 ilin minimal həddidir. Hazırda aktiv neft quyularının sayı minimal həddən 2,25 dəfə çoxdur. Bu göstərici rekord səviyyəyə isə 2014-cü ilin oktyabrında çatıb və 1 609 ədəd təşkil edib. Hazırda quyuların sayı rekord həddən 55,7% aşağıdır.

"Report"un analitik qrupu qeyd edir ki, yaxın 3-6 ay ərzində neftin qiymətinin 45-60 dollar/barel diapazonunda hərəkət edəcəyi gözlənilir. Belə olduğu halda ABŞ-da aktiv neft quyularının sayında da artım davam edəcək. Bu isə öz növbəsində hasilatın artmasına gətirib çıxaracaq.

Son xəbərlər

Orphus sistemi