Yuxarı

Neftin ucuzlaşacağını göstərən 5 əlamət açıqlanıb

Neftin ucuzlaşacağını göstərən 5 əlamət açıqlanıb

Bakı. 14 mart. REPORT.AZ/ Bir sıra bazar indikatorı neftin qiymətində yüksəlişin bitdiyini göstərir. 

"Report" xəbər verir ki, bu barədə Hyustonda (ABŞ) yerləşən "Lipow Oil Associates" - neft sektoru ilə bağlı araşdırma və investisiya şirkətinin rəhbəri Endi Lipou (Andy Lipow) bildirib. 

Onun fikrincə, ABŞ-ın Energetika Nazirliyinin bu gün açıqlayacağı həftəlik hesabat dünya bazarında "WTI" markalı neftin qiymətinin 60 dollar/bareldən aşağı düşməsinə səbəb olacaq.

Neftun ucuzlaşacağını göstərən digər amillər kimi E.Lipou fiziki neftə tələbin azalması, fyuçers qiymətlərinin cari qiymətlərdən aşağı düşməyə başlamasını, ABŞ-ın Kuşinq terminalında neft ehtiyatlarının həcminin sabitləşməsini və fond birjası menecerlərinin nikbinliyinin azalmasını göstərib. Onun sözlərinə görə, ABŞ-da neft hasilatının gündəlik həcminin 10,4 mln. barelə yaxınlaşması ilə yanaşı, hökumət həm də strateji ehtiyatların hesabına gündəlik 7 mln. barel satış həyata keçirir. 

"Şist neft hasilatının sürətlə artması, Midlandda (Texas) neftin qiymətinin Kuşinqlə müqayisədə 1,3 dollar/barel aşağı düşməsinə gətirib çıxarıb. Bununla yanaşı, neft emalı zavodlarının mövsümi olaraq texniki baxışa başlamaları neftə tələbatı azaldaraq ehtiyatları artıracaq", - E.Lipou bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi